අමෙරිකාවේදී විවාහක ලෝක රූ රැජින ලෙස කිරුළ පැළදූ ශ්‍රී ලංකාවේ කැරොලින් ජුරි අද උදෑසන දිවයිනට පැමිණියාය. ඒ, අද අළුයම 2.45 ට දෝහා සිට පැමිණි කටාර් ගුවන් සේවයේ කිව්.ආර්.- 662 දරන ගුවන් යානයෙනි. ඇය පිළිගැනීම සඳහා විශාල පිරිසක් කටුනායක ජාත්‍යන්තර ගුවන්තොටුපොළ වෙත පැමිණ සිටි බව එහි සිටින අප වාර්තාකරු සඳහන් කළේය. කැරොලීන් ජුරි 2020 ලෝක විවාහක රූ රැජින ලෙස පසුගියදා අභිෂේක ලැබුවේ, අමෙරිකාවේ ලස්වේගාස්හි පැවති තරගයෙන් ජය ලබමින්ය. රටවල් 51 ක විවාහක රූ රැජිනියන් අතුරින් ඇය එම කිරුළ දිනා ගත්තාය.