කොරෝනා වසංගත තත්වය හේතුවෙන් විදේශයන්හි රැඳී සිටි ශ්‍රී ලාංකිකයන් 371 ක් අද(03) අලුයම දිවයිනට පැමිණ තිබේ. එක්සත් අරාබි එමීර් රාජ්‍යයේ සිටි ශ්‍රී ලාංකිකයන් 362 දෙනෙකු අද(03)අලුයම 2.40 ට ඉටිහාඩ් ගුවන් සේවයේ ඊ.වයි.- 264 දරන විශේෂ ගුවන් යානයෙන් කටුනායක ගුවන් තොටුපළ වෙත පැමිණ තිබුණි . ඉන්දියාවේ චෙන්නායි සිට අද(03) අලුයම 4.50 ට ශ්‍රී ලාංකිකයන් 09 දෙනෙකු ශ්‍රී ලන්කන් ගුවන් සේවයේ යූ.එල්.- 1026 දරන විශේෂ ගුවන් යානයෙන් කටුනායක ගුවන් තොටුපළ වෙත පැමිණ තිබුණි . ගුවන් මගීන් සියලු දෙනාම කටුනායක ගුවන් තොටුපළේ දී පී.සී.ආර්.පරීක්ෂණ සදහා ලක් කිරීමෙන් අනතුරුව නීරෝධායන කටයුතු සදහා යොමු කර තිබේ .