කොවිඩ් වසංගතයට හා එහි ආර්ථික ප්‍රතිවිපාකවලට එරෙහිව සටන් කිරීම සඳහා නීති සහ මූල්‍ය පනත් සම්මත කර ගැනීමට ව්‍යවස්ථාදායකයක් නොමැතිව, කොවිඩ්-19 අර්බුදයට මුහුණ දෙන එකම ප්‍රජාතන්ත්‍රවාදී රාජ්‍යය ශ්‍රී ලංකාව බව හිටපු කථානායක කරු ජයසූරිය පවසයි. කෙසේ වෙතත් තවත් ව්‍යවස්ථා අර්බුදයක් වළක්වා ගත යුතු බවත්, පාර්ලිමේන්තු මැතිවරණය සම්බන්ධයෙන් මැතිවරණ කොමිසම සහ විධායකය අතර ඇති අවුල් සහගත තත්ත්වය විසඳාගත යුතු බවත් හිටපු කථානායකවරයා සඳහන් කරයි. නිවේදනයක් නිකුත් කරමින් හිටපු කථානායකවරයා කියා සිටියේ, මැතිවරණ කොමිෂන් සභාව සහ විධායකය අතර පාර්ලිමේන්තු මැතිවරණ සම්බන්ධයෙන් ඇති වී තිබෙන බාධාව පිළිබඳව පැහැදිලි කිරීමක් ඉල්ලා ආගමික හා දේශපාලන නායකයන්, පාර්ලිමේන්තු මන්ත්‍රීවරුන්, විද්වතුන්, සිවිල් සමාජය සහ වෘත්තීය සමිති නියෝජිතයන් සහ මහජනතාවන් විසින් මෑතකදී ඔහු සම්බන්ධ කර ගත් බවයි. "රජය සහ විපක්ෂය මැතිවරණ කොමිෂන් සභාව හා එකිනෙකා සමග හදිසි හා හොඳ විශ්වාසයකින් යුතුව කටයුතු කළ යුතු බව මගේ අදහසයි. නියමිත වේලාවට ආරක්ෂිතව මැතිවරණයක් පැවැත්වීමට කොමිසම විසින් තීරණය කරනු ලබන පූර්වාරක්ෂාවන් හෝ නව නීති තිබේ නම්, ඒවා වහාම ගවේෂණය කළ යුතුය. නියමිත වේලාවට මැතිවරණයක් පැවැත්විය නොහැකි අවස්ථාවක, ව්‍යවස්ථාමය අර්බුදයක් උපරිම උත්සාහයක් දරමින් වළක්වා ගත යුතුය. එමගින් රට ස්ථාවර වීමේ අවදානමක් ඇති අතර ආර්ථික සහන ලබා ගැනීමේ ශ්‍රී ලංකාවේ අපේක්ෂාවන්ට එය බෙහෙවින් බලපානු ඇත.'' යනුවෙන් හිටපු කථානායකවරයා වැඩිදුරටත් සිට නිවේදනයේ සඳහන් කරයි.   නයන තරංග ගමගේ