වසර 115කට පසු මහව ඕමන්ත දුමිරිය මාර්ගය සම්පුර්ණයෙන්ම වෙනස් සංවර්ධනය කරන්නට පියවර ගෙන ඇත. කි.මි133 දිග මෙම දුම්රිය මාර්ගය සංවර්ධනය කරන්නට වැය කරන මුදල ඩොලර් මිලියන 91.2කි.එය ඉන්දිය ණය ආධාර යටතේ,ලබා ගෙන ඇත.මෙම දුම්රිය මාර්යට අමතරව, හරස් දුම්රිය ස්ථාන 12ක් ද,දුම්රිය නැවතුම් පොළවල් 07ක් ද සහිතව අංග සම්පුරණ පහසුකම් සහිතව සංවර්ධනය කරන මෙම දුම්රිය මාර්ගයේ වේගය පැයට කි.මී.120 ක් වීම ද විශේෂත්වයකි.වසර තුනකින් මෙම සංවර්ධන කටයුත්ත අවසන් කිරීමට නියමිතව ඇති බව ඇමති අර්ජුන රණතුංග පවසයි. උතුරු දුම්රිය මාර්ගයේ මහව - ඕමන්තේ දුම්රිය මාර්ගයට අයත් සම්පූර්ණ දිග කිලෝමීටර් 133කි. එහි මහව සිට අනුරාධපුර දක්වා කොටස ඉදිකරන ලද්දේ 1904 වර්ෂයේ වෙයි. අනුරාධපුරයේ සිට ඕමන්ත දක්වා කොටස 1905 වර්ෂයේදී ඉදි කෙරිණ. එතැන් සිට මේ දක්වා මෙම දුම්රිය මාර්ගයේ කිසිදු මහාපරිමාණ සංවර්ධනයක් සිදු නොවිණ. සිදු කෙරුණේ අතවශ්‍ය අලුත්වැඩියා පමණි. මේ හේතුවෙන් මහව ඕමන්ත දක්වා කොටසේදී දුම්රිය ධාවනය වන්නේ අතැම් විට පැයට කිලෝමීටර් 40කටත් වඩා අඩු වේගයෙන් වේ. එනිසාම එම කොටසෙහි දුම්රිය ධාවනයට පැය තුනක් පමණ ගත වෙයි. මෙම තත්ත්වය සැලකිල්ලට ගනිමින් මහව - ඕමන්ත දුම්රිය මාර්ගය සම්පූර්ණයෙන්ම සකස් කිරීම මෙම ව්‍යාපෘතිය යටතේ සිදු කෙරේ. මහව - ඕමන්තේ දුම්රිය මාර්ගය අලුතින් සකස් කිරීමට වැය කෙරෙන මුදල ඩොලර් මිලියන 91.2කි. ඉන්දීය ණය ආධාර ක්‍ර‍මය යටතේ එම ප්‍ර‍තිපාදන සැපයේ. ව්‍යාපෘතියෙන් දුම්රිය මාර්ගයට අමතරව හරස් දුම්රිය ස්ථාන 12ක් සහ දුම්රිය නැවතුම් පොළවල් 7ක් සහ කාණු පද්ධතියද සංවර්ධනය කෙරේ. නව සංඥා පද්ධතියක්ද ස්ථාපිත කෙරේ. මැදවච්චිය සහ වව්නියාව අතර මහනුවර යාපනය -මාර්ගය ආසන්නව නව දුම්රිය ස්ථානයක්ද ස්ථාපිත කෙරෙනු ඇත. නව දුම්රිය මාර්ගයේ වේගය පැයට කිලෝමීටර් 120ක් වීමද විශේෂත්වයකි. වසර තුනකින් නිම කිරීමට අපේක්ෂිත මෙම ව්‍යාපෘතිය දියත් වන්නේ අදියර දෙකකට වේ. එහි පළමු අදියරේදී මහව සිට අනුරාධපුරය දක්වා කොටස සකස් කරයි. දෙවැනි අදියරේදී සකස් කරන්නේ අනුරාධපුරයේ සිට ඕමන්තේ දක්වා වෙයි. එම ඉදිකිරීම් ක්‍රියාත්මක අවස්ථාවලදී මහව - අනුරාධ දක්වා කොටස මාස 6කටද අනුරාධපුර ඕමන්තේ දක්වා කොටස මාස 5කටද වසා තබයි. එම අවස්ථාවවලදී දුම්රිය ධාවනය අඛණ්ඩව පවත්වාගෙන යාමට වසා දැමෙන කොටස ආවරණය වන පරිදි බස් රථ යෙදවේ. ගිවිසුම් අත්සන් කිරීමේ උත්සවයට එක් වෙමින් ප්‍ර‍වාහන සහ සිවිල් ගුවන්සේවා අමාත්‍ය අර්ජුන රණතුංග මහතා පැවසුවේ පසුගිය මාස කිහිපයේදී ප්‍ර‍වාහන ක්ෂේත්‍රයේ දැවැන්ත සංවර්ධනයක් ඇති කිරීමට වත්මන් ආණ්ඩුවට හැකි වූ බවයි. මුළු දිවයිනම ආවරණය පරිදි එම සංවර්ධන ව්‍යාපෘති දියත් කෙරෙන බවත් ඒ යටතේ ඉදිරියේදී බෙලිඅත්ත කතරගම දුම්රිය මාර්ගය ඉදි කිරීමේ ටෙන්ඩරය කැදවන බවද අමාත්‍ය අර්ජුන රණතුංග පවසයි. පලාලි ගුවන්තොටුපොළද සිවිල් කටයුතු සදහා නුදුරේම භාවිත කළ හැකි වනු ඇතැයිද අමාත්‍ය අර්ජුන රණතුංග විශ්වාස කරයි. ප්‍ර‍වාහන සහ සිවිල් ගුවන්සේවා අමාත්‍යාංශයේ ලේකම් එල්. පී. ජයම්පති සහ IRCON Intonational Limited සමාගමේ සභාපති එස්. කේ. චව්ද්‍රි (S.K. Chaudhary) යන මහත්වරුන් සහභාගි විය. සම්භාවනීය අමුත්න් ලෙසට ශ්‍රී ලංකාවේ ඉන්දීය මහකොමසාරිස් කාර්යාලයේ ආර්ථික සහ වානිජ්‍ය අංශයේ ප්‍ර‍ධානී සුජා කේ මෙනන් මහත්මියද සහ දුම්රිය සාමාන්‍යධිකාරී ඩිලන්ත ප්‍ර‍නාන්දු යන මහත්ම මහත්මීන් එක් වූහ. නිමල් අල්ගෙවත්ත