brand logo

ලක් පොහොර හිටපු අධ්‍යක්ෂවරු එෆ්.සී.අයි.ඩීයට

03 June 2020

කාබනික දියර පොහොර ව්‍යාපෘතියකින් රුපියල් කෝටි දොළහ හමාරක වංචාවක් සිදු කිරීම සම්බන්ධයෙන් ලක් පොහොර සමාගමේ හිටපු අධ්‍යක්ෂ මණ්ඩලය මූල්‍ය අපරාධ කොට්ඨාසය වෙත කැඳවා ප්‍රශ්න කිරීම ආරම්භ කොට තිබේ. ලක් පොහොර සමාගමේ ස්ථාවර තැන්පතුවක තිබූ රුපියල් මිලියන එකසිය විසි පහක් බේලෝන් නමැති පෞද්ගලික සමාගමක් ඇරැඹීමට බැංකු ඇපකරයක් සේ ලබා දී එම මුදල නොගෙවා රජයට පාඩු කළා යැයි කියන සිද්ධියක් සම්බන්ධව මෙම පරීක්ෂණ ඇරැඹී ඇත. මෙම පරීක්ෂණ කඩිනමින් ඉවර කරන්නැයි කෘෂිකර්ම ඇමැති චමල් රාජපක්ෂ දුන් නියෝගයක් මත මූල්‍ය අපරාධ කොට්ඨාසය විසින් අධ්‍යක්ෂ මණ්ඩල සාමාජිකයන් මෙසේ කැඳවා ඇත. මහා භාණ්ඩාගාරය නියෝජනය කරමින් හිටපු අධ්‍යක්ෂවරියක කැඳවා ප්‍රකාශ සටහන් කර ඇති අතර මෙම මූල්‍ය වංචාවට එරෙහිව අධ්‍යක්ෂ මණ්ඩල තීරණවලදී දිගින් දිගටම විරෝධය පළකර ඇත්තේ ඇය පමණක් බව හෙළිවී ඇත. ඉදිරියේ දී එවකට හිටපු කෘෂිකර්ම ඇමැති දුමින්ද දිසානායක විසින් පොහොර සංස්ථාවේ සභාපති ලෙස පත් කළ තැනැත්තකුද මූල්‍ය අපරාධ කොට්ඨාසයට කැඳවීමට නියමිතය. තිස්ස රවීන්ද්‍ර පෙරේරා
 

More News..