කොවිඩි නයින්ටීන් වෛරසය අසාදනය වු කිසිදු රෝගියෙකු ඊයේ(25) දිනයේ වාර්තා නොවු බව වසංගත රෝග විද්‍යා අංශය පවසයි. ඒ අනුව මෙරටින් වාර්තා වු වෛරස අසාධිතයින් සංඛ්‍යාව 102 ක් වන අතර ඔවුන්ගෙන් තිදෙනෙකු මේ වන විට සුවය ලබා රෝහලෙන් පිටව ගොස් ඇති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා සඳහන් කළේය. මේ වන විට අංගොඩ ජාතික බෝවන රෝග විද්‍යායතනයේ රෝගීන් සංඛ්‍යාව 88ක්ද, රෝගීන් 10ක් වැලිකන්ද මූලික රෝහලේ සහ එක් රෝගියෙකු මුල්ලේරියාව මූලික රෝහලේ ප්‍රතිකාර ලබයි. දිවයින පුරා රෝහල් වල කොවිඩ් නයින්ටීන් අසාධිතයින් බවට සැකකරන පුද්ගලයින් 255 දෙනෙකු ප්‍රතිකාර ලබමින් සිටින බවද සෞඛ්‍ය සේවා අධ්‍යක්ෂ ජනරාල්වරයා සඳහන් ‍කළේය.