රු. ලක්ෂ 11ක් වටිනා විදේශීය දුම්වැටි තොගයක් සමග පුද්ගලයෙකු කටුනායකදී අත්අඩංගුවට
29 December 2018
රු. ලක්ෂ 11ක් වටිනා විදේශීය දුම්වැටි තොගයක් සමග පුද්ගලයෙකු කටුනායකදී අත්අඩංගුවට
29 December 2018
විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට ගෙන ආ ශ්රී ලාංකික ගුවන් මගියෙකු අද (29) උදෑසන කටුනායක ගුවන් තොටුපළේ දී රේගු නිලධාරීන් විසින් අත් අඩංගුවට ගෙන තිබෙනවා.
රේගු මාධ්ය ප්රකාශක සුනිල් ජයරත්න මහතා පැවසුවේ අද උදෑසන 6.00 ට ඩුබායි සිට පැමිණි ෆ්ලයි ඩුබායි ගුවන් සේවයේ එෆ්.ඉසෙඩ්.- 547 දරන ගුවන් යානයෙන් කටුනායක ගුවන් තොටුපළ වෙත පැමිණ , එහි කිසිවක් ප්රකාශ කිරීමට නොමැති " හරිත මාවත " ඔස්සේ ගුවන් තොටුපළෙන් පිටව යමින් සිටියදී , රේගු නිලධාරීන් විසින් ඔහුගේ ගමන් මල්ලේ සගවා ගෙන තිබූ මෙම දුම්වැටි තොගය සොයාගෙන අත් අඩංගුවට ගත් බවයි.
මොහු නාත්තන්ඩිය , ඉහළ කොට්ටාරමුල්ල ප්රදේශයේ පදිංචි 20 හැවිරිදි ව්යාපාරික තරුණයෙක් වනවා.
ඔහුගේ එම ගමන් මල්ලෙන් විදේශීය නිෂ්පාදිත දුම්වැටි 20,000 ක් අඩංගු , දුම්වැටි කාටූන් 100 ක් හමුවී තිබෙනවා.
එහි වටිනාකම රුපියල් ලක්ෂ 11 ක් පමණ වන බවයි රේගු මාධ්ය ප්රකාශකවරයා වැඩිදුරටත් පැවසුවේ.
මෙම සිදුවීම පිළිබඳව විධිමත් රේගු පරීක්ෂණයක් පැවැත්වූ අතර , එහිදී මෙම විදේශීය දුම්වැටි තොගය රාජසන්තක කර , මෙම ව්යාපාරිකයාට රුපියල් 50,000 ක දඩ මුදලක් ගෙවන ලෙසද නියෝග කළා.