රිෂාඩ්ගෙන් විමල්ට කෝටි 100ක එන්තරවාසියක්
11 February 2020
රිෂාඩ්ගෙන් විමල්ට කෝටි 100ක එන්තරවාසියක්
11 February 2020
තමන්ට එරෙහිව අසත්‍ය චෝදනා එල්ල කිරිමට එරෙහිව අමාත්‍ය විමල් වීරවංශ මහතාගෙන් රුපියල් කෝටි 100 ක වන්දියක් ඉල්ලා එන්තරවාසියක් යොමු කරන බව පාර්ලිමේන්තු මන්ත්‍රි රිෂාඩ් බදුයුදීන් මහතා පවසයි.
කොළඹ දැන් පැවැත්වෙන මාධ්‍ය හමුවට එක්වෙමින් රිෂාඩ් බදුයුදීන් මහතා කියා සිටියේ ඊයේ පැවති මාධ්‍ය හමුවකදී විමල් වීරවංශ මහතා තමන්ට එරෙහිව අසත්‍ය චෝදනා එල්ල කර ඇති බවයි.
පසුගිය යහපාලන රජයේ කැබිනට් අමාත්‍යවරයයෙකු ලෙස තමන් ගත් සියලු තීන්දු තීරණ කැබිනට් මණ්ඩලයේ අනුමැතිය යටතේ ලබා ගත් බවයි රිෂාඩ් බදුයුදීන් මහතා පෙන්වා දෙන්නේ.
තමන්ට හෝ තම පවුලේ කිසිවකුට විදෙස් රටක බැංකු ගිණුම් නොමැති බව ද පාර්ලිමේන්තු මන්ත්‍රි රිෂාඩ් බදුයුදීන් මහතා සඳහන් කළා.
දේශපාලන වාසි අපේක්ෂාවෙන් දකුණේ ඇතැම් දේශපාලනඥයන් විසින් තමන්ට විරුද්ධව අසත්‍ය චෝදනා සමජ ගත කිරිමට උත්සහ දරන බවයි බදුයුදීන් මහතා මෙහිදී චෝදනා කළේය.