brand logo

රට බේරාගැනීම ගැන සුව ඇමතිනියගෙන් ප්‍රකාශයක්

23 June 2021

කොවිඩ් මර්ධනය සඳහා පනවා තිබෙන සෞඛ්‍ය මාර්ගෝපදේශ කඩ කරන පුද්ගලයින්ට දැඩි දඬුවම් ලබාදීමට උපදෙස් ලබාදුන් බව සෞඛ්‍ය අමාත්‍ය පවිත්‍රා වන්නිආරච්චි මහත්මිය පවසයි. කළුතර රෝහලේ පැවති උත්සවයකින් අනතුරුව මාධ්‍ය වෙත අදහස් දක්වමින් අමාත්‍යවරිය එම අදහස් පළකර ඇත. එසේම දැඩි දඬුවම් ලබානොදෙන්නේ නම් රට බේරාගැනීම අසීරු බවත් ඉදිරියේ දි පොලීසිය හා සෞඛ්‍ය අමාත්‍යාංශය එක්ව නීති දැඩිව ක්‍රියාත්මක කරන බවත් එහිදී ප්‍රකාශ කර තිබේ. සෞඛ්‍ය අමාත්‍යවරිය, " අපි ඉතා තදින් සෞඛ්‍ය අමාත්‍යාංශය හා පොලීසිය එකතුවෙලා කටයුතු කරනවා. අපට මේ රට බේරගන්න පුළුවන්. මේ රෝගය මර්දනය කරනවා කියන එක කරන්න පුළුවන් කියලා අපිට දැඩි විශ්වාසයක් තියෙනවා. පළමු කොවිඩ් රැල්ලේ දී අපිට ඒක කරගන්න පුළුවන් වුණා. දෙවැනි රැල්ලේ දී කොවිඩ් රෝගය මර්දනය කරගන්න පුළුවන් වුණා. තුන්වෙනි රැල්ලත් මර්දනය කර ගන්නවා කියන එක අපහසු කාර්යක් නෙමෙයි. ඒ සඳහා අපි නීති පනවලා තියෙනවා. ඒ නීති රටේ ක්‍රියාත්මක කරන්න ඕනේ. එහෙම වෙන්නේ නැත්නම් ඒ සඳහා නීතිමය මාර්ගයෙන් රු 5000ට දාලා තියෙන දඩය රු 50,000ක් හරි කරලා ගැසට් එකක් ගහලා මේ රෝගය මර්දනය කර ගැනීම සඳහා අපි වැඩකරමු."
 

More News..