පේසාලෙයි නඩුකුඩා වෙරළෙන් පුපුරණ ද්රව්ය තොගයක් සොයාගනියි
25 January 2019
පේසාලෙයි නඩුකුඩා වෙරළෙන් පුපුරණ ද්රව්ය තොගයක් සොයාගනියි
25 January 2019
මන්නාරම,පේසාලෙයි නඩුකුඩා වෙරළ තීරයේ තිබි පුපුරණ ද්රව්ය තොගයක් අද(24) සොයාගෙන ඇති බව මන්නාරම පේසාලෙයි පොලිසිය පවසයි.
පොලිසිය පැවසූවේ ලද තොරතුරක් මත අදාළ පුපුරණ ද්රව්ය තොගය නඩුකුඩා වෙරළ තීරයේ තිබි සොයාගෙන ඇති බවයි.
සොයාගත් පුපුරණ ද්රව්ය අතර ජෙලට්නයිට් කූරු,ක්ලේමෝ බෝම්බ,රබර් බූට්,රොකට් ලෝන්චර් හා පතුරම් තොගයක් මතුපිටට පෙනීමට ඇතැයි මන්නාරම ආරක්ෂක අංශ පැවසීය.
අදාළ ස්ථානය සම්බන්ධයෙන් මන්නාරම මහේස්ත්රාත් අධිකරණ නියෝග යටතේ පොලිස් විශේෂ කාර්ය බළකා බෝම්බ නිශ්ක්රීය අංශය වැඩිදුර පරීක්ෂණ පැවැත්වීමට නියමිත බවද පොලිසිය පැවසීය.
සිද්ධිය සම්බන්ධයෙන් පේසාලෙයි පොලිසිය වැඩිදුර පරීක්ෂණ මෙහෙයවයි.
වවුනියාව - මාධව කුලසූරිය