පාකිස්තාන හමුදාවට ගිය ලංකාවේ අයෝමය ගැහැනිය
27 November 2021
පාකිස්තාන හමුදාවට ගිය ලංකාවේ අයෝමය ගැහැනිය
27 November 2021
මේ ගතවෙන කාලය තාරුණ්‍යයට සුබ කාලයක් කියලා හැඟෙනවා. එහෙම හිතුණේ කලා ලොවේ බොහොමයක් තාරුණ්‍යය නියෝජනය කරන කලාකරුවන් ජාත්‍යන්තර සම්මාන සහ ඇගයීම් මෙන්ම ජාත්‍යන්තර නිර්මාණ එක්ක මුසුවන කාලයක් නිසා. පසුගිය කාලයේ එවැනි බොහෝ දෙනා ගැන අවධානය යොමු වුණා සේම මේ වෙද්දී තවත් සොඳුරු දක්ෂ රංගන ශිල්පිනියක් ගැන කතා වෙනවා. ඇය නමින් ටාෂියා කාලිදාස.
ටාෂියා පාකිස්තානයේ රූගත කරනු ලැබූ Sinf-e-Aahan (women of steel) ‘අයෝමය ගැහැනිය’ ටෙලි කතා මාලාවට රංගනයෙන් දායක වෙලා තියෙනවා. මෙම ටෙලි කතාව ශ්රී ලංකා යුද හමුදාවත් පාකිස්තානයත් එක්ව කරනු ලබන නිර්මාණයක් වන අතර මෙම ටෙලි කතා මාලාව රචනා කර තිබෙන්නේ උමේරා අහමඩ් විසින්. මෙය පාකිස්තාන් ටෙලි නාට්‍ය කේෂත‍්‍රයේ දෙවැනි මිල අධික නිෂ්පාදන පිරිවැයක් දැරූ නිර්මාණය බවද වාර්තා වනවා.
එහි පූර්ව ප්‍රචාරක පටය අන්තර්ජාලයට එකතු වීමත් එක්කම ඒ ගැන මේ වෙද්දී බොහෝ දෙනා කතා වෙනවා. ඒ නිසාම ඒ ගැන විස්තර වගේම ඇය ගැන දැන ගන්න ඔබත් කැමති නිසා අපි ටාෂියාට ආරාධනා කළා ඒ ගැන කතා කරන්න...
මගේ උපන් ගම මහනුවර. අම්මයි තාත්තයි අක්කයි තමයි මගේ පවුලේ ඉන්නේ. මම තවම Lexicon ජාත්‍යන්තර පාසලේ ඉගෙනුම ලබනවා. 2023 දී උසස් පෙළ විභාගයට මුහුණ දෙන්නේ.
පාසලේදී මම නර්තනය හැදෑරුවා. හැබැයි අපේ පාසලේ ඩ්‍රාමා නැහැ. ඒ නිසා මම කිසිම පාසල් නාට්‍යයකට නම් සම්බන්ධ වෙලා නැහැ. ඒ වගේම අපේ පවුලේ කිසිම කෙනෙක් කලාවට සම්බන්ධ නැහැ. මට අහම්බෙන් ලැබුණු අවස්ථාවක් නිසා වෙළෙඳ දැන්වීම්වලට සම්බන්ධ වෙන්න අවස්ථාව ලැබෙනවා. මම ඉන්ස්ටග්‍රෑම් එකට දාපු ෆොටෝස් දැකලා චතුර ෆෙරෝෂ් තමයි මුලින්ම කතා කළේ. ඊට පස්සේ මම වෙළෙඳ දැන්වීම් 12කට විතර සම්බන්ධ වුණා.
මට කලාවට එන්න රංගන කටයුතු කරන්න කවදා හරි නිළියක් වෙන්න ඕනේ වගේ හීන නම් තිබ්බේ නැහැ. මගේ හීනේ වුණේ ගුවන් සේවිකාවක් වෙන්න. තාමත් ඒ හීනය තියෙනවා. නමුත් අහම්බෙන් මම රංගන ක්ෂේත්‍රයට එනවා. ඒ ආපු ගමන් මගේ දැන් මම ආසාවෙන් රංගන කටයුතු කරගෙන යනවා.
මගේ මුල්ම රංගන දායකත්වය ලබාදුන් නිර්මාණය වෙන්නේ ස්වාධීන රූපවාහිනී සේවයේ විකාශය වුණු සුජීව ප්‍රියාල් මහතාගේ ඉන්ටර්නැසනල් ටෙලි නාට්‍යයේ මීනුගේ චරිතය. එතැනදී මට වාසනාව ලැබුණා දුලීකා මාරපන මහත්මිය වැනි ප්‍රවීණ රංගන ශිල්පිනියන් එක්ක වැඩ කරන්න. ඒ නිසාම රංගනය ගැන බොහෝ දේවල් මගේ ජීවිතේට එකතු වුණා. ගොඩක් ප්‍රවීණ අය එක්ක එකට රඟපාන්න ලැබුණා. ඒ නිසා රංගන ජීවිතේට වගේම ජීවිතේටත් ලොකු අත්දැකීම් ටිකක් එකතු වුණු නිර්මාණයක්.
ඊට පස්සේ මට වාසනාව ලැබුණා මේ කාලයේ දක්ෂ නිර්මාණ බිහිකරන තවත් නිර්මාණශීලි අධ්‍යක්ෂවරයෙක්ගේ ටෙලි නිර්මාණයකට දායක වෙන්න. ඒ ධනුෂ්ක රත්නායක අයියගේ ‘දාම්’ ටෙලි නාට්‍යය. දාම් හි අමායගේ නැගණියට තමා මම රඟපෑවේ. මගේ තුන්වැනි ටෙලි නිර්මාණය සමීර හසුන් අයියගේ ‘චලෝ’ නිර්මාණය. නමුත් චලෝ හි නම් මුල් කොටස්වල පමණයි ඉන්න වුණේ. ඒ රූපගත කිරීම් අතරතුර තමයි මම දායක වුණු පාකිස්තාන ටෙලි කතා මාලාව රූපගත කිරීම් පටන් ගත්තේ. ඒ නිසා මට පාකිස්තානයට යන්න සිදු වුණා.
මේ Sinf-e-Aahan (women of steel) ‘අයෝමය ගැහැනිය’ ටෙලි කතා මාලාවට මට අවස්ථාව ලැබෙන්නේ කර්නල් රෝහණ වික්‍රමසිංහ මහත්මයා මාර්ගයෙන්. ඔහු මගේ තාත්තාගේ යාළුවෙක්. දවසක් කර්නල් රෝහණ වික්‍රමසිංහ මහත්මයා කිව්වා පාකිස්තාන ඩ්‍රාමා එකක් තියෙනවා, බයෝ ඩේටා එකක් එවන්න කියලා. මමත් බයෝ ඩේටා එක හදලා යැව්වා. හැබැයි මම බලාපොරොත්තු තියා ගත්තේ නැහැ. පස්සේ දැන ගත්තා මම තේරිලා ඉන්නවා කියලා. ඊට පස්සේ පාකිස්තානයේ අධ්‍යක්ෂවරයා මා එක්ක සූම්වලින් කතා කළා. ඔහු කිව්වා උර්දුවලින් දෙබස් තියෙන වීඩියෝ එකක් එවන්න කියලා. ඒකත් යැව්වම ඔහු මාව තෝරා ගත්තා කියලා දැනුම් දුන්නා. ඔහොම තමා මම පාකිස්තානයේ ඩ්‍රාමා එකට සම්බන්ධ වුණේ.
මේ නිර්මාණයේදී මට විදෙස් ශිල්පීන් එක්ක රංගනයේ යෙදෙන්න අවස්ථාව ලැබුණා. ඒ අත්දැකීම ඇත්තටම බොහොම හොඳ අවස්ථාවක්. පාකිස්තානයේ ඉන්න හොඳම නළු නිළියන් තමයි දායක වෙලා හිටියේ. මම පාකිස්තාන රංගන ශිල්පිනි Sajal Aly ගේ ‘මම්’ කියන චිත්‍රපටය මම බලලා තිබ්බා. ඒ නිසා ඇය ගැන මම දැනගෙන හිටියා. ඒ වගේම Yumna Zaidi මේ නිර්මාණයේ හිටියා. එයා හොඳම සහ ජනප්‍රියම නිළිය කියන සම්මාන දෙකම ලබා ගත්ත කෙනෙක්. ඒ හැමෝම හරිම දක්ෂයි. එයාලගෙන් ගොඩක් දේවල් ඉගෙන ගන්න තිබුණා. පාකිස්තාන මිල්ටරි ඇකඩමියේ ෂූටිං තිබ්බා මාස තුනක් විතර ලොකු අත්දැකීමක් ලැබුවා ඒ කාලය තුළ.
මේ Sinf-e-Aahan (women of steel) අයෝමය ගැහැනිය ටෙලි කතා මාලාව කොටස් 26කින් සමන්විත නිර්මාණයක්. මගේ චරිතය ගැන කෙටියෙන්ම කියනවා නම් ශ්රී ලංකාවෙන් යන දක්ෂ කැඩෙට් කෙනෙක්. ඊට වඩා නම් වැඩි විස්තර කියන්න බෑ. නිර්මාණය බලන්න කියලා මම ආරාධනා කරනවා.
මම කවදාවත් රංගන ශිල්පිනියක් වෙන්න හිතුවේ නැහැ. ඒ වුණාට මම හිතන්නේ මේක මට දෙවියන් දීපු අවස්ථාව. මම දැන් රංගන කටයුතු කරන්නේ ඉතා ආසාවෙන්. කවදා හරි දවසක හොඳම නිළිය හෝ ජනප්‍රියම නිළිය සම්මානය ගන්න මගේ බලාපොරොත්තුවක් තියෙනවා. හැබැයි මගේ වෘත්තීමය හීනය අදටත් එයාර් හොස්ටර් කෙනෙක් වෙන එක.
මම රංගනයෙන් දායක වුණු පළමු සිනමා නිර්මාණය අරුණ ජයවර්ධන මහතාගේ ‘Happy Birth Day’ චිත්‍රපටය. ඒ නිර්මාණයත් ඉදිරියේදී තිරගත වෙයි. ඒ හැරෙන්නට ලංකාවේ දැනට මම රංගනයෙන් දායක වුණු නිර්මාණ නම් නැහැ. තව අලුත් සිනමා නිර්මාණ කිහිපයකටම ආරාධනා ලැබිලා තියෙනවා. බලමු, හොඳ නිර්මාණවලට දායක වෙන්න බලාපොරොත්තු වෙනවා.
පසුගිය දිනවල පාකිස්කානයේ මම මාස තුනක කාලයක් රූපගත කිරිම්වලට සහභාගි වෙලා හිටියා. ඒ අය ලංකාවට හරිම ආසයි. විශේෂයෙන්ම සංගක්කාර අයියා ඇතුළු ශ්‍ර්‍රී ලංකාවෙ ක්‍රිකට් කණ්ඩායමට හරි ආදරෙයි. පාකිස්තාන - ශ්රී ලංකා ක්‍රිකට් තරගයක් තිබ්බම කවුරු දින්නත් එකයි වගේ හැගීමක ඉන්නෙ. ඒ වගේම බුදුදහම කෙරෙහි තියෙන්නේ දැඩි භක්තියක් සහ විශ්වාසයක්. ඒ අය ලංකාවට තියෙන කැමැත්ත නිසාම තමයි මේ නිර්මාණයට පවා ලංකාවෙ කෙනෙක් තෝරා ගන්න තීරණය කරලා තියෙන්නේ.
මේ වෙද්දී ඒ නිර්මාණයට දායක වුණු හැමෝම මගේ යහළුවන්. මම කැමති සජල් ට. රූපගත කිරීම් අතරතුර මට පාකිස්තානයේ ලාහෝර්, නරාන් කගාර්, ශබාද් වගේ පැතිවලට යන්න අවස්ථාව ලැබුණා. නරාන් කගාර් කියන්නෙ හිම වැටෙන සුන්දර පැත්තක්. මගේ ජීවිතේ පළවැනි වතාවට මම හිම දැක්කෙ. ඒ නිසා මම වැඩියෙන්ම කැමති නරාන් කගාර් පැත්තට.
ඒ ගතකරපු කාලය තුළ මට කවදාවත් අමතක නොවන දිනයක් ඔක්තෝබර් 4. ඒ මගේ උපන් දිනය දවස. මට බර්ත්ඩේ සර්ප්‍රයිස් එකක් දුන්නා. ඒ වගේම ඔක්තෝබර් මාසේම තමා මගේ අම්මගෙ උපන් දිනය තිබ්බෙ, අම්මටත් ඒ අය බර්ත්ඩේ සර්ප්‍රයිස් එකක් දුන්නා. ඇත්තටම ඒ සියලු දෙනා හරිම ආදරණීය අය. ගොඩක් අය හිටියේ කරච්චි වගේ දුර පැතිවලින් ආව අය. ඒ අයට අම්මව සෙට් එකට එක්කගෙන එන්න බැරි නිසා මගේ අම්මට ඒ ඔක්කොම පුදුම විදියට ආදරේ කළා. සමහර අය මගේ අම්මව දැක්කම අඬනවා. ඒ අයගේ අම්මා වගේම තමා මගේ අම්මව දැනුණේ. ඒ දෙවල් මට කවදාවත් අමතක වෙන්නෙ නැහැ.
මම කැමති ඉදිරියටත් ඔවුන් එක්ක වැඩ කරන්න. හැබැයි මේ කාලය මම යොදවලා තියෙන්නේ අධ්‍යාපන කටයුතුවලට. මොකද මාස තුනක් පාකිස්තානයේ හිටිය නිසා අධ්‍යාපන කටයුතු මගහැරුණ. ඉදිරියට අධ්‍යාපන කටයුතු ඉවර කරලා නැවත නිර්මාණවලට යොමුවෙන්න කැමැත්තක් තියෙනවා.
නදීන් බේග් කියන එරට ජනප්‍රිය සිනමා සහ ඩ්‍රාමා කරපු අධ්‍යක්ෂවරයෙක් යටතේ මට රඟපාන්න ලබුණේ. මට ලොකු සහයෝගයක් ලබා දුන්නා. එවැනි අධ්‍යක්ෂවරයෙක් යටතේ රඟපාන්න ලැබීමත් භාග්‍යයක්. ඉතින් මේ නිර්මාණය නොවැම්බර් 27 සිට රිලීස් වෙනවා. ආරාධනා කරනවා හැමෝටම බලන්න කියලා.
අනුෂා රණසිංහ
මගේ උපන් ගම මහනුවර. අම්මයි තාත්තයි අක්කයි තමයි මගේ පවුලේ ඉන්නේ. මම තවම Lexicon ජාත්‍යන්තර පාසලේ ඉගෙනුම ලබනවා. 2023 දී උසස් පෙළ විභාගයට මුහුණ දෙන්නේ.
පාසලේදී මම නර්තනය හැදෑරුවා. හැබැයි අපේ පාසලේ ඩ්‍රාමා නැහැ. ඒ නිසා මම කිසිම පාසල් නාට්‍යයකට නම් සම්බන්ධ වෙලා නැහැ. ඒ වගේම අපේ පවුලේ කිසිම කෙනෙක් කලාවට සම්බන්ධ නැහැ. මට අහම්බෙන් ලැබුණු අවස්ථාවක් නිසා වෙළෙඳ දැන්වීම්වලට සම්බන්ධ වෙන්න අවස්ථාව ලැබෙනවා. මම ඉන්ස්ටග්‍රෑම් එකට දාපු ෆොටෝස් දැකලා චතුර ෆෙරෝෂ් තමයි මුලින්ම කතා කළේ. ඊට පස්සේ මම වෙළෙඳ දැන්වීම් 12කට විතර සම්බන්ධ වුණා.
මට කලාවට එන්න රංගන කටයුතු කරන්න කවදා හරි නිළියක් වෙන්න ඕනේ වගේ හීන නම් තිබ්බේ නැහැ. මගේ හීනේ වුණේ ගුවන් සේවිකාවක් වෙන්න. තාමත් ඒ හීනය තියෙනවා. නමුත් අහම්බෙන් මම රංගන ක්ෂේත්‍රයට එනවා. ඒ ආපු ගමන් මගේ දැන් මම ආසාවෙන් රංගන කටයුතු කරගෙන යනවා.
මගේ මුල්ම රංගන දායකත්වය ලබාදුන් නිර්මාණය වෙන්නේ ස්වාධීන රූපවාහිනී සේවයේ විකාශය වුණු සුජීව ප්‍රියාල් මහතාගේ ඉන්ටර්නැසනල් ටෙලි නාට්‍යයේ මීනුගේ චරිතය. එතැනදී මට වාසනාව ලැබුණා දුලීකා මාරපන මහත්මිය වැනි ප්‍රවීණ රංගන ශිල්පිනියන් එක්ක වැඩ කරන්න. ඒ නිසාම රංගනය ගැන බොහෝ දේවල් මගේ ජීවිතේට එකතු වුණා. ගොඩක් ප්‍රවීණ අය එක්ක එකට රඟපාන්න ලැබුණා. ඒ නිසා රංගන ජීවිතේට වගේම ජීවිතේටත් ලොකු අත්දැකීම් ටිකක් එකතු වුණු නිර්මාණයක්.
ඊට පස්සේ මට වාසනාව ලැබුණා මේ කාලයේ දක්ෂ නිර්මාණ බිහිකරන තවත් නිර්මාණශීලි අධ්‍යක්ෂවරයෙක්ගේ ටෙලි නිර්මාණයකට දායක වෙන්න. ඒ ධනුෂ්ක රත්නායක අයියගේ ‘දාම්’ ටෙලි නාට්‍යය. දාම් හි අමායගේ නැගණියට තමා මම රඟපෑවේ. මගේ තුන්වැනි ටෙලි නිර්මාණය සමීර හසුන් අයියගේ ‘චලෝ’ නිර්මාණය. නමුත් චලෝ හි නම් මුල් කොටස්වල පමණයි ඉන්න වුණේ. ඒ රූපගත කිරීම් අතරතුර තමයි මම දායක වුණු පාකිස්තාන ටෙලි කතා මාලාව රූපගත කිරීම් පටන් ගත්තේ. ඒ නිසා මට පාකිස්තානයට යන්න සිදු වුණා.
මේ Sinf-e-Aahan (women of steel) ‘අයෝමය ගැහැනිය’ ටෙලි කතා මාලාවට මට අවස්ථාව ලැබෙන්නේ කර්නල් රෝහණ වික්‍රමසිංහ මහත්මයා මාර්ගයෙන්. ඔහු මගේ තාත්තාගේ යාළුවෙක්. දවසක් කර්නල් රෝහණ වික්‍රමසිංහ මහත්මයා කිව්වා පාකිස්තාන ඩ්‍රාමා එකක් තියෙනවා, බයෝ ඩේටා එකක් එවන්න කියලා. මමත් බයෝ ඩේටා එක හදලා යැව්වා. හැබැයි මම බලාපොරොත්තු තියා ගත්තේ නැහැ. පස්සේ දැන ගත්තා මම තේරිලා ඉන්නවා කියලා. ඊට පස්සේ පාකිස්තානයේ අධ්‍යක්ෂවරයා මා එක්ක සූම්වලින් කතා කළා. ඔහු කිව්වා උර්දුවලින් දෙබස් තියෙන වීඩියෝ එකක් එවන්න කියලා. ඒකත් යැව්වම ඔහු මාව තෝරා ගත්තා කියලා දැනුම් දුන්නා. ඔහොම තමා මම පාකිස්තානයේ ඩ්‍රාමා එකට සම්බන්ධ වුණේ.
මේ නිර්මාණයේදී මට විදෙස් ශිල්පීන් එක්ක රංගනයේ යෙදෙන්න අවස්ථාව ලැබුණා. ඒ අත්දැකීම ඇත්තටම බොහොම හොඳ අවස්ථාවක්. පාකිස්තානයේ ඉන්න හොඳම නළු නිළියන් තමයි දායක වෙලා හිටියේ. මම පාකිස්තාන රංගන ශිල්පිනි Sajal Aly ගේ ‘මම්’ කියන චිත්‍රපටය මම බලලා තිබ්බා. ඒ නිසා ඇය ගැන මම දැනගෙන හිටියා. ඒ වගේම Yumna Zaidi මේ නිර්මාණයේ හිටියා. එයා හොඳම සහ ජනප්‍රියම නිළිය කියන සම්මාන දෙකම ලබා ගත්ත කෙනෙක්. ඒ හැමෝම හරිම දක්ෂයි. එයාලගෙන් ගොඩක් දේවල් ඉගෙන ගන්න තිබුණා. පාකිස්තාන මිල්ටරි ඇකඩමියේ ෂූටිං තිබ්බා මාස තුනක් විතර ලොකු අත්දැකීමක් ලැබුවා ඒ කාලය තුළ.
මේ Sinf-e-Aahan (women of steel) අයෝමය ගැහැනිය ටෙලි කතා මාලාව කොටස් 26කින් සමන්විත නිර්මාණයක්. මගේ චරිතය ගැන කෙටියෙන්ම කියනවා නම් ශ්රී ලංකාවෙන් යන දක්ෂ කැඩෙට් කෙනෙක්. ඊට වඩා නම් වැඩි විස්තර කියන්න බෑ. නිර්මාණය බලන්න කියලා මම ආරාධනා කරනවා.
මම කවදාවත් රංගන ශිල්පිනියක් වෙන්න හිතුවේ නැහැ. ඒ වුණාට මම හිතන්නේ මේක මට දෙවියන් දීපු අවස්ථාව. මම දැන් රංගන කටයුතු කරන්නේ ඉතා ආසාවෙන්. කවදා හරි දවසක හොඳම නිළිය හෝ ජනප්‍රියම නිළිය සම්මානය ගන්න මගේ බලාපොරොත්තුවක් තියෙනවා. හැබැයි මගේ වෘත්තීමය හීනය අදටත් එයාර් හොස්ටර් කෙනෙක් වෙන එක.
මම රංගනයෙන් දායක වුණු පළමු සිනමා නිර්මාණය අරුණ ජයවර්ධන මහතාගේ ‘Happy Birth Day’ චිත්‍රපටය. ඒ නිර්මාණයත් ඉදිරියේදී තිරගත වෙයි. ඒ හැරෙන්නට ලංකාවේ දැනට මම රංගනයෙන් දායක වුණු නිර්මාණ නම් නැහැ. තව අලුත් සිනමා නිර්මාණ කිහිපයකටම ආරාධනා ලැබිලා තියෙනවා. බලමු, හොඳ නිර්මාණවලට දායක වෙන්න බලාපොරොත්තු වෙනවා.
පසුගිය දිනවල පාකිස්කානයේ මම මාස තුනක කාලයක් රූපගත කිරිම්වලට සහභාගි වෙලා හිටියා. ඒ අය ලංකාවට හරිම ආසයි. විශේෂයෙන්ම සංගක්කාර අයියා ඇතුළු ශ්‍ර්‍රී ලංකාවෙ ක්‍රිකට් කණ්ඩායමට හරි ආදරෙයි. පාකිස්තාන - ශ්රී ලංකා ක්‍රිකට් තරගයක් තිබ්බම කවුරු දින්නත් එකයි වගේ හැගීමක ඉන්නෙ. ඒ වගේම බුදුදහම කෙරෙහි තියෙන්නේ දැඩි භක්තියක් සහ විශ්වාසයක්. ඒ අය ලංකාවට තියෙන කැමැත්ත නිසාම තමයි මේ නිර්මාණයට පවා ලංකාවෙ කෙනෙක් තෝරා ගන්න තීරණය කරලා තියෙන්නේ.
මේ වෙද්දී ඒ නිර්මාණයට දායක වුණු හැමෝම මගේ යහළුවන්. මම කැමති සජල් ට. රූපගත කිරීම් අතරතුර මට පාකිස්තානයේ ලාහෝර්, නරාන් කගාර්, ශබාද් වගේ පැතිවලට යන්න අවස්ථාව ලැබුණා. නරාන් කගාර් කියන්නෙ හිම වැටෙන සුන්දර පැත්තක්. මගේ ජීවිතේ පළවැනි වතාවට මම හිම දැක්කෙ. ඒ නිසා මම වැඩියෙන්ම කැමති නරාන් කගාර් පැත්තට.
ඒ ගතකරපු කාලය තුළ මට කවදාවත් අමතක නොවන දිනයක් ඔක්තෝබර් 4. ඒ මගේ උපන් දිනය දවස. මට බර්ත්ඩේ සර්ප්‍රයිස් එකක් දුන්නා. ඒ වගේම ඔක්තෝබර් මාසේම තමා මගේ අම්මගෙ උපන් දිනය තිබ්බෙ, අම්මටත් ඒ අය බර්ත්ඩේ සර්ප්‍රයිස් එකක් දුන්නා. ඇත්තටම ඒ සියලු දෙනා හරිම ආදරණීය අය. ගොඩක් අය හිටියේ කරච්චි වගේ දුර පැතිවලින් ආව අය. ඒ අයට අම්මව සෙට් එකට එක්කගෙන එන්න බැරි නිසා මගේ අම්මට ඒ ඔක්කොම පුදුම විදියට ආදරේ කළා. සමහර අය මගේ අම්මව දැක්කම අඬනවා. ඒ අයගේ අම්මා වගේම තමා මගේ අම්මව දැනුණේ. ඒ දෙවල් මට කවදාවත් අමතක වෙන්නෙ නැහැ.
මම කැමති ඉදිරියටත් ඔවුන් එක්ක වැඩ කරන්න. හැබැයි මේ කාලය මම යොදවලා තියෙන්නේ අධ්‍යාපන කටයුතුවලට. මොකද මාස තුනක් පාකිස්තානයේ හිටිය නිසා අධ්‍යාපන කටයුතු මගහැරුණ. ඉදිරියට අධ්‍යාපන කටයුතු ඉවර කරලා නැවත නිර්මාණවලට යොමුවෙන්න කැමැත්තක් තියෙනවා.
නදීන් බේග් කියන එරට ජනප්‍රිය සිනමා සහ ඩ්‍රාමා කරපු අධ්‍යක්ෂවරයෙක් යටතේ මට රඟපාන්න ලබුණේ. මට ලොකු සහයෝගයක් ලබා දුන්නා. එවැනි අධ්‍යක්ෂවරයෙක් යටතේ රඟපාන්න ලැබීමත් භාග්‍යයක්. ඉතින් මේ නිර්මාණය නොවැම්බර් 27 සිට රිලීස් වෙනවා. ආරාධනා කරනවා හැමෝටම බලන්න කියලා.
අනුෂා රණසිංහ