නගරාධිපති පුටුවෙන් මා පන්නන්න බැහැ
03 June 2020
නගරාධිපති පුටුවෙන් මා පන්නන්න බැහැ
03 June 2020
මහජන ඡන්දයෙන් තෝරාපත් කරගත් තමා කිසිදු ආකාරයකින් නගරාධිපති තනතුරෙන් ඉවත් කළ නොහැකි බව කොළඹ නගරාධිපතිනි රෝසි සේනානායක ‘අරුණ’ට පැවසුවාය.
පක්ෂයේ නීති රෙගුලාසිවලට කිසිම දිනක පිටුපා නැති තමාට විරුද්ධව පක්ෂය විනය ක්‍රියාමාර්ග ගැනීමට යන බවට පැතිරී යන කටකතා පදනම් විරහිත බව පැවසූ ඇය, වර්තමානයේ එජාපය අයිතිකරගෙන සිටින බොහෝ පිරිසකට වඩා තමා එක්සත් ජාතික පක්ෂයට කැපවී සේවය කළ බවද පැවසුවාය.
එළැඹෙන මහ මැතිවරණයේදී තමා එක්සත් ජාතික පක්ෂයටවත් සමගි ජනබලවේගයටවත් සහයෝගය නොදක්වා සිටීමට තීරණය කළ බව කියා සිටි නගරාධිපතිනිය සමගි ජන බලවේගයේ සිටින්නේ තමාගේ දේශපාලන සහෝදරයන් නිසා ඔවුන්ට විරුද්ධව දේශපාලනය කිරීමට තමාට නොහැකි නිසා තමා මෙම තීරණය ගත් බවද කීවාය.
එසේම තම පුත්‍රයා සමගි ජන බලවේගයෙන් මැතිවරණයට ඉදිරිපත් වුවත් ඔහුටද කිසිදු සහයෝගයක් නොදෙන බවද ඇය පැවසුවාය.
තමා එක්සත් ජාතික පක්ෂ නායක රනිල් වික්‍රමසිංහට පෞද්ගලිකව උපකාර කිරීමට පමණක් සහ තමන් එක් වාරයක් නගරාධිපති තනතුර දැරීමට පමණක් දේශපාලනයේ නිරත වන බව පැවසූ රෝසි සේනානායක ඉන්පසු තමා දේශපාලනයෙන් විශ්‍රාම ගන්නා බව කීවාය.
කලණ වීරසිංහ