අමෙරිකා ජනාධිපති ඩොනල්ඩ් ට්‍රම්ප්ට සහ බිරිඳ මෙලනියා ට්‍රම්ප්ට කොරෝනා වෛරසය ආසාදනය වී ඇතැයි තහවුරු වී තිබේ. විදෙස් මාධ්‍ය සඳහන් කරනුයේ ජනාධිපති ට්‍රම්ප්ගේ සමීපතම කාර්ය මණ්ඩල සාමාජිකාවක් වන "හෝප් හික්ස්" කොරෝනා ආසාදිත බව තහවුරු වීමෙන් අනතුරුව සිදුකළ පරීක්ෂණයෙන් අනතුරව ඔවුන් දෙදෙනාට ද වෛරසය ආසාදනය වී ඇතැයි තහවුරු වී ඇති බවයි. තමා සහ බිරිඳ අවශ්‍ය ප්‍රතිකාර සඳහා මේ වන විට යොමු වී ඇති බව ට්‍රම්ප් ට්විටර් පණිවිඩයක් නිකුත් කරමින් සඳහන් කරයි. කොරෝනා වෛරස ආසාදිත බව තහවුරු වී ඇති හෝප් හික්ස් මීට දින කිහිපයක පෙරදී පැවති ටෙලිවිෂන් වාදයට සහභාගී වීම සඳහා ජනාධිපතිවරයා ඔහායෝ දක්වා ගමන් කරන විට "Air Force One" ගුවන්යානයේ ඇය ද ගමන් කර තිබේ.