ජනාධිපතිවරණය වෙනුවෙන් නාමයෝජනා භාරදෙන ලබන සදුදා (07) දිනයේ රාජගිරිය මැතිවරණ කොමිෂන් සභාව ආසන්නයේ දැඩි ආරක්ෂාවක් යෙදවීමට පොලීසිය කටයුතු යොදා තිබේ. පොලිස් මාධ්‍ය ප්‍රකාශක, පොලිස් අධිකාරී රුවන් ගුණසේකර මහතා පැවසුවේ ඒ සදහා පොලිස් නිලධාරීන් 1200ක්, රථවාහන රාජකාරී සඳහා පොලිස් නිලධාරීන් 500ක් යෙදවීමට නියමිත බවයි. ඊ‌ට අමතරව මැතිවරණ කොමිෂන් සභාවේ ආරක්ෂාව වෙනුවෙන් පොලිස් විශේෂ කාර්ය බළකායේ නිලධාරීන් ද යෙදවීමට කටයුතු කරන බව රුවන් ගුණසේකර මහතා වැඩිදුරටත් සදහන් කළේය.