ගාල්ල උණවටුන ප්‍රදේශයේ පැවති ඇස්ට්‍රාසෙනෙකා එන්නතේ දෙවන මාත්‍රාව ලබාගැනීමට බස්නාහිර පළාතේ පිරිසක් සහභාගී වීම සම්බන්ධයෙන් විමර්ශනයක් ඇරඹීමට උපදෙස් ලබාදී තිබේ. රාජ්‍ය අමාත්‍ය මහාචාර්ය චන්න ජයසුමන මහතා සඳහන් කරන්නේ ඒ පිළිබඳ විමර්ශනයක් සිදුකිරීමට උපදෙස් ලබාදුන් බවය. මේ අතර සෞඛ්‍ය අමාත්‍යාංශයේ හදිසි වැටලීම් ඒකකය සිදුවීම පිළිබඳ සොයා බැලීමට මේ වන විටත් ගාල්ල ප්‍රදේශයට ගොස් ඇතැයි අමාත්‍යවරයා වැඩි දුරටත් සඳහන් කරයි. ඒ අනුව වැඩසටහනට සහභාගීවු පිරිසට නීතියානූකූල හා විනයානූකූල ක්‍රියාමාර්ග ගන්නා බවත් චන්න ජයසුමන මහතා සඳහන් කරයි.