කොළඹ වායු දුෂණය යලි ඉහළ යන ලකුණු
17 May 2020
කොළඹ වායු දුෂණය යලි ඉහළ යන ලකුණු
17 May 2020
ඇඳිරි නීතිය ලිහිල් කිරීමත් සමඟ ඇඳිරි නීති සමයේ කොළඹ නගරයේ සීඝ්රයෙන් පහළගිය වායූ දූෂණ මට්ටම නැවත මේ වන විට ඉහළ යෑමේ ප්රවණතාවයකින් පවතින බව ජාතික ගොඩනැගිලි පර්යේෂණ සංවිධානය පවසයි.
කොරෝනා වසංගතය හේතුවෙන් රටපුරා ඇදිරි නීතිය පැනවීමත් සමඟ කොළඹ එදිනෙදා පැවැති වායූ දූෂණ මට්ටම සීඝ්රයෙන් පහළ ගිය බවත් නැවත රථ වාහන ගමනාගමනය සහ අනෙකුත් ක්රියාකාරකම් වැඩි වීමත් සමග කොළඹ නගරයේ වායු දූෂණය ක්රමයෙන් වැඩිවී ඇති බව ජාතික ගොඩනැගිලි පර්යේෂණ සංවිධානයේ ජ්යෙෂ්ඨ විද්යාඥ සරත් ප්රේමසිරි මහතා පවසා සිටියේය.
පසුගිය සමයේ කොළඹ අවට වායූ ගෝලයේ දූවිලි අංශු ප්රමාණයේ අවම මට්ටම ලෙස සටහන් වූයේ මයික්රොග්රෑම් 10ක් බවත් නමුත් දැන් මයික්රොග්රෑම් 18ක් 20ක් වැනි අගයක් දක්වන බව ඔහු පවසයි.
2025 වන විට මේ වන විට ලද අධ්යන වලට අනුව මෙරට නාගරික වායු දූෂණය අවම කිරීමට සැලසුමක් සකස් කරන බව ද ඔහු වැඩිදුරටත් පැවසීය.
අශිකා ජයවීර