දැනට කොවිඩ් මර්දන කටයුතු සඳහා ඍජුව දායකත්වයක් නොදක්වන සෞඛ්‍ය සේවකයන් එම කටයුතු සඳහා සක්‍රීය දායකත්වයක් ලබාගැනීමේ අරමුණින් ස්වේච්ඡා බලකායක් ස්ථාපිත කිරීමට සෞඛ්‍ය අමාත්‍යංශය පියවර ගෙන තිබේ. දැනටමත් ඒ සඳහා ඉතා විශාල පිරිසක් කැමැත්ත පළකර ඇති බැවින් ඒ සඳහා ස්වේච්ඡාවෙන් තම ශ්‍රමය හා කාලය කැප කිරීමට උනන්දුවක් දක්වන රාජ්‍ය හෝ පෞද්ගලික සෞඛ්‍ය සේවයේ නියුතු හෝ විශ්‍රාම ලත් කාර්ය මණ්ඩලයෙන් අභිමතය විමසීමට කටයුතු යොදා ඇත. ඒ සඳහා සෞඛ්‍ය අමාත්‍යංශයේ වෙබ් අඩවියට පිවිස ලියාපදිංචි වන ලෙස සෞඛ්‍ය අමාත්‍යංශය සඳහන් කරයි. අයදුම්පත්‍රය මෙතැනින් - https://docs.google.com/forms/d/e/1FAIpQLSczr5UTD-2vecv3us6hIwgqhn8fuScqzG7PzYLm-jmtyQsttg/viewform