නාවික හමුදා තූර්ය වාදක කණ්ඩායම් මෙන්ම ගුවන් හමුදා තූර්ය වාදක කණ්ඩායමද පසුගිය දිනවල කොළඹ මහල් නිවාස සංකීර්ණ අසල සංගීත සංදර්ශන පැවැත්වීමට ගොස් තිබේ. ඉන්පසුව රූපවාහිනි ආයතනයක් මහල් නිවාසවල සංගීත සංදර්ශන පැවැත්වූ ත්‍රිවිධ හමුදා සංගීත කණ්ඩායම් කැඳවා වැඩසටහනක් පවත්වා ඇත. එහිදී නාවික හමුදා තූර්ය වාදක කණ්ඩායම සමග වැඩසටහනට එක්වූ ගුවන් හමුදා කෝප්‍රල්වරයා හා කෝප්‍රල්වරියක පී.සී.ආර්. පරීක්ෂණයට ලක්කර ඇත. ගුවන් හමුදා කෝප්‍රල්වරයා කොවිඩ් ආසාදිතයකු යැයි හෙළිවීමත් සමග සංගීත කණ්ඩායමේ නිලධාරියකු ඇතුළු හැටදෙනෙකු ස්වයං නිරෝධායනය යොමු කළ බව ගුවන් හමුදා මාධ්‍ය ප්‍රකාශක කපිතාන් දුෂාන් විජේසිංහ ‘අරුණ’ට පැවැසීය. පිටත රාජකාරි සඳහා යන අය කඳවුරේ වෙනමම කොටසක රඳවා ආරක්ෂිත ක්‍රමවේද යොදා තිබූ බවත්, මේ නිසා කඳවුරේ ගමන් බිමන් සීමා කළ බවත් හෙතෙම සඳහන් කළේය.