අන්තර්ජාලය ඔස්සේ කොවිඩ් 19 වෛරසය පැතිරීම වැළැක්වීමට කැපවන රාජ්‍ය සේවකයන්ගේ රාජකාරිය බාධා සිදු කරන පුද්ගලයන්ට එරෙහිව නීතිමය ක්‍රියාමාර්ග ගන්න ලෙස වැඩබලන පොලිස්පතිවරයා අපරාධ පරීක්ෂණ දෙපාර්තමේන්තුවට සහ සියලුම පොලිස් ස්ථානාධිපතිවරුන්ට උපදෙස් ලබා දී තිබේ. රාජ්‍ය සේවකයන්ගේ සුළු අඩුපාඩු මතුකරමින් ඔවුන්ට තර්ජනය කරමින් අසත්‍ය සහ ද්වේශ සහගත විඩියෝ දර්ශන සහ වෙනත් පල කිරීම් ප්‍රසිද්ධ කරන පුද්ගලයන් අත්අඩංගුවට ගෙන අධිකරණයට ඉදිරිපත් කරන ලෙස වැඩබලන පොලිස්පතිවරයා දැනුම් දී තිබේ.