රටම කැලඹූ පැනයකට මානව හිමිකමෙන් ලැබුනු තීන්දුව

මැයි (09) වනදා ගාලුමුවදොර සහ අරලියගහ මන්දිරය ඉදිරිපිට සාමකාමී අරගලකරුවන්ට පහර සදහා කිසිදු සිරකරුවෙකු යොදා ගෙන නොමැති බව මානව හිමිකම් කොමිෂන් සභාව සදහන් කරයි. මෙම ප්‍රචණ්ඩකාරී සිද්ධිය සම්බන්ධයෙන් විශේෂ පරික්ෂාව සදහා නීතීඥ සංජීව වීරවික්‍රම , නීතීඥ එල්. මාෂා සේනාධීර සහ වෛද්‍ය දිල්ෂානි බෝගොල්ලාගම යන අයගෙන් සමන්විත කමිටුවක් ශ්‍රී ලංකා මානව හිමිකම් කොමිෂන් සභාව පත්කර ඇත. කමිටුව අවශ්‍ය සාක්ෂි ලෙස ලේඛනගත කිරීම් සහ වීඩියෝ දර්ශන ඇතුළු විද්‍යුත් සාක්ෂි යන දෙකම සදහා අවධානය යොමු කරමින් පුළුල් පරීක්ෂණයක් ආරම්භ කරන ලද අතර රජයට එල්ල වී ඇති චෝදනාවල බරපතලකම සහ සිරකරුවන්ට එල්ල වූ ප්‍රචණ්ඩත්වය පිළිබඳව අවබෝධ කර ගනිමින් මෙම පරීක්ෂණය පැවැත්විණි. මෙම කමිටුව විසින් රට තුළ සිදු වූ ප්‍රචණ්ඩ ක්‍රියාවලට සම්බන්ධ සිදුවීම් හඳුනාගෙන ඇත ගාලු මුවදොර සහ අරලියගහ මන්දිරයේ උද්ඝෝෂණ ස්ථානවල සාමකාමී විරෝධතාකරුවන්ට පහර දීමට උනන්දුවක් දක්වන පාර්ශ්වයන් විසින් සිරකරුවන් යොදා ගත්තේද යන්න තීරණය කිරීම කමිටුව ඉදිරියේ මතු වූ විශාල ප්‍රශ්නයකි. සාමකාමී විරෝධතාකරුවන්ට පහර දීම සඳහා සිරකරුවන් යොදා ගත් බවට අසත්‍ය ප්‍රචාර සහ වැරදි තොරතුරු බොරුවක් මෙන්ම කපටි ක්‍රියාවක් ද වන බව ඔවුන් වැඩිදුරටත් ප්‍රකාශ කර ඇත. කමිටුව තවදුරටත් සදහන්කරන්නේ රාජ්‍ය දෙපාර්තමේන්තුවලට සහ පිරිස්වලට එරෙහිව සාමාන්‍ය ජනතාව තුළ ඇති වන උද්ඝෝෂණ හේතුවෙන් නොදැනුවත්වම රටේ නීතිය හා සාමය කඩාකප්පල් වී ඇති බවයි. මැයි මස (09) වනදා සිදු වු මෙම සිද්ධියෙන් පසුව මිනිස් ජීවිත සිය ගණනකගේ ජීවිත අහිමි වු අතර රාජ්‍ය හා පෞද්ගලික දේපළවලට හිතාමතා හානි කිරීම සහ ගිනි තැබීම නිසා රුපියල් බිලියන ගණනක අලාභයක් දක්වා ඉහළ ගොස් ඇති බවද ඔවුන් වැඩිදුරටත් ප්‍රකාශ කර ඇත. සවිස්තරාත්මක හා කඩිසර විමර්ශනයකින් පසුව කමිටුව නිගමන කිහිපයකට පැමිණ ඇත. විශේෂයෙන්ම දේශපාලන සහ ආර්ථික අස්ථාවරත්වය පවතින මෙම අස්ථාවර කාලපරිච්ඡේදය තුළ ජාතික මාධ්‍ය ආයතන දැනුවත්ව වගකීම් සහගත වාර්තාකරණයට අනුගත විය යුතු අතර අවංකභාවයෙන් යුතුව පුවත්පත් කලාව ප්‍රවර්ධනය කළ යුතු බව කමිටුවෙහි අදහසයි. රටේ ප්‍රජාතන්ත්‍රවාදී දේහය ශක්තිමත් කිරීමේ අරමුණින් ගවේෂණාත්මක මාධ්‍යවේදීන්ගේ භාවිතයන් ප්‍රවර්ධනය කර යුතු බව කමිටුව තවදුරටත් යෝජනා කරයි.