අද සිට විවෘත කෙරෙන කාර්යාල
04 October 2021
අද සිට විවෘත කෙරෙන කාර්යාල
04 October 2021
සතියට දින 6ක් සියලු තැපැල් හල් අද සිට විවෘතයි
සියලුම තැපැල් කාර්යාල අද (04 වැනිදා) සිට විවෘත කෙරෙන බව නියෝජ්ය තැපැල්පති රාජිත රණසිංහ ‘අරුණ’ට ඊයේ (03 වැනිදා) පැවසීය.දිවයින පුරා ම ලිපි සහ පාර්සල් බෙදා හැරීමේ කටයුතු ක්රියාත්මක කෙරෙන්නේ තැපැල් දෙපාර්තමේන්තුවේ වාහනවලින් පමණක් බවත්, දුම්රිය දෙපාර්තමේන්තුව දුම්රිය ධාවන කටයුතු ආරම්භ කරන්නේ නම් දුම්රියෙන් ලිපි හා පාර්සල් ප්රවාහන කටයුතු සඳහා දෙපාර්තමේන්තුව සූදානම් බවත් ඒ මහතා කීවේය. නිලන්ත මදුරාවලසංචරණ සීමා පැවති සමයේ පෙරවරු 9 සිට සවස 4 දක්වා සතියට දින හතරක් පමණක් විවෘත කරන ලද තැපැල් කාර්යාල අද සිට පෙරවරු 8 සිට සවස 4 දක්වා සෙනසුරාදා ද ඇතුළත්ව සතියට දින හයක් විවෘත කෙරේ. ලිපි හා පාර්සල් බෙදා හැරීමේ කටයුතු සාමාන්ය පරිදි ආරම්භ කෙරෙන අතර රජයේ රෝහල්වල සායනික රෝගීන්ගේ ඖෂධ නිවෙස්වලට බෙදා හැරීමේ වැඩපිළිවෙළ තවදුරටත් ක්රියාත්මක කෙරෙන බව ද කොවිඩ් තෙවැනි රැල්ලේ මේ දක්වා ඖෂධ වට්ටෝරු පන්ලක්ෂ හැත්තෑ දහසක් පමණ නිවෙස්වලට බෙදාහැර ඇතැයි ද නියෝජ්ය තැපැල්පතිවරයා සඳහන් කළේය.