ඉදිරි ජනාධිපතිවරණය සදහා අගමැති රනිල් වික්‍රමසිංහ මහතා විසින් ස්ව කැමැත්තෙන්ම සජිත් ප්‍රේමදාස මහතාට ජනාධිපතිධූරය අපේක්ෂකත්වය ලබාදෙනු ඇති බවට බලාපොරොත්තු වන බව විශේෂ සංවර්ධන ඇමති රාධාක්‍රිෂ්ණන් මහතා පවසයී. තලවාකැලේ ප්‍රදේශයේ සංවර්ධන ව්‍යාපෘති කිපයක් ජනතා අයිතියට පත්කිරිමේ අවස්ථාවට එක්වු අවස්ථාවේ මාධ්‍යවේදීන් නැගු ප්‍රශ්න වලට පිළිතුරු ලබා දෙමින් ඒ මහතා මෙසේද පැවසීය. එක්සත් ජාතික පක්ෂය මැතිවරණ වලට බය නෑ.තවම ජනාධිපතිවරණයට නාමයෝජනා කැදවලා නෑ .නාමයෝජනා කැදවන අවස්ථාවේ දී අපි හොදට දුවන අශ්වයෙක් ඉදිරිපත් කරනවා. තවම එක්සත් ජාතික පක්ෂය අපේක්ෂකයෙක් තීරණය කරලා නෑ.ප්‍රශ්නයක් තියෙනවා තමයී.මම හිතන්නේ අපේ නායකතුමා ගරු රනිල් වික්‍රමසිංහ මැතිතුමා එයාගේ ස්වකැමැත්තෙන් සජිත් ප්‍රේමදාස මැතිතුමාට අවස්ථාව ලබාදෙයී කියලා අපි බලාපොරොත්තු වෙනවා.ජනතාවගේ ඉල්ලීම ඒක වන නිසා ඒ ඉල්ලිම ඉටුකරයී කියලා අපි බලාපොරොත්තු වෙන්නේ ලොකෙන්ම එහෙම නැත්තං ලංකාවෙන්ම හොදම නායකයා විදියට අපි පිළිඅරගෙන තියෙන්නේ අග්‍රාමාත්‍ය රනිල් වික්‍රමසිංහ මහතාව.ඒ නිසා පක්ෂය කැඩෙනවට එතුමා ඉඩ තියන්නෑ.මේ පක්ෂය ආරක්ෂා කරගැනීමට ඒ තීරණය ගනියි කියලා අපි බලාපොරොත්තුවෙන් ඉන්නවා. එහෙම අවස්ථාවක් ආවොත් ශ්‍රිලංකා නිදහස් පක්ෂය සජිත් ප්‍රේමදාස මහතාට සහයෝගය දෙයිද කියලා නිෂ්චිතව කියන්න බෑ. සමහරවිට උදව් කරන්න පුළුවන්.සමහර විට ඒ පක්ෂයෙන් අපේක්ෂකයෙක් දාන්න පුළුවන්.ඒ නිසා ඒව ගැන දැන් කතාකිරිම සුදුසු නෑ කියලයී හිතන්නේ.