අතන මෙතන

රේනුකාගේ යෝජනාවෙන් වලපනේ පිපාසය නිවේ

නුවරඑළිය දිස්ත්‍රික්කයේ, වලපනේ මැතිවරණ කොට්ඨාශයේ මඩුල්ල ප්‍රදේශයේ ජනතාවට දීර්ඝ කාලයක්ව පැවැති පානීය ජලය ප්‍රශ්නයට විසඳුමක් ලෙස පානීය ජල යෝජනා ක්‍රමයක් ආරම්භ කිරීමට මුල් ගල තැබීම ඊයේ (03) සිදු විය.

ලෝක බැංකු ආධාර යටතේ සිදු කරන මෙම පානීය ජල ව්‍යාපෘතිය දිවංගත හිටපු සෞඛ්‍ය ඇමතිනී රේණුකා හේරත් මහත්මියගේ යෝජනාවකි. මෙමගින් මඩුල්ල ප්‍රදේශයේ ජීවත් වන පවුල් දහසකට පමණ සෙත සැලසේ.

පොදුජන එක්සත් පෙරමුණේ මධ්‍යම පළාත් සභවේ හිටපු නියෝජ්‍ය සභාපති එස්. බී. රත්නායක හා රේනුකා හේරත් මහතිමියගේ දියනිය වන සමගි ජනබලවේගයේ වලපනේ සංවිධායිකා නීතිඥ හිරණා හේරත් මහත්මිගේ ප්‍රධානත්වයෙන් ජල ව්‍යාපෘතියට මුල්ගල තැබීම සිදු විය.