News

තරුණිය මරා දැමූ හේතුව SI එල්ලෙන්න කලින් බිරියට ලියලා

අංකල් අංකල් කිය කියා ඇවිත් අන්තිමේ මට වදයක් වුණා

මන්ත්‍රී හේෂා ලග වැඩකරන කාලේ අනියම් පෙමට පාර කැපිලා

වේට්ස් කරලා හදපු ඇග නිසා පොලිසිය සැකකරු සොයාගනී

ඝාතනය කර හිස කඳින් වෙන් කර සිරුර ගමන්මල්ලක දමාගෙන විත් කොළඹ, වේල්ල වීදියේ දමා ගොස් තිබුණු ලිනියාකුමාර දුලනිගේ දිලිණි යසෝධා ජයසූරිය (31) නමැති තරුණියගේ සොයුරා වන කුරුවිට ප්‍රාදේශීය සභාවේ එක්සත් ජතික පක්ෂ මන්ත්‍රී ප්‍රභාත් ජයසූරිය විසින් අද(3)මළසිරුර හඳුනා ගත්තා. ඒ කොළඹ පොලිස් මෘතශරීරාගරයේදී.

තරුණියගේ කකුලේ පාදවල නියපොතු අග ඇති වී තිබුණු ආසාදිත තත්ත්වයක්(නියවිරිත්තා කෑම)හා උදරය ආශ්‍රිතව සිදුකර තිබුණු ශල්‍යකර්මයක කැලැල් ආශ්‍රයෙන් මිය ගොස් සිටින්නේ තම නැගනිය බව ඔහු පිළි ගත්තත් හිස නැති මළ සිරුරක අනන්‍යතාව විද්‍යාත්මකව තහවුරු කිරීම සඳහා ඩී එන් එන් පරීක්ෂාවක් සිදු කරන බව පොලිසිය පැවසුවා. ඒ අනුව තරුණියගේ සොයුරාගේ රුධිර සාම්පල හා මවගේ රුධිර සාම්පල රස පරීක්ෂක වෙත යොමු කරන අතර පරීක්ෂණ වාර්ථා ලැබුණු පසු පශ්චාත් මරණ පරීක්ෂණය සිදු කරන බවද පොලිසිය වැඩිදුරටත් පැවැසුවා.

තරුණියගේ සොයුරා කී කතාව පහත වීඩියෝවෙන් බලන්න.

කුරුවිට, තෙප්පාගම, බඩෝගම පදිංචිකාරියක වන දිලිණිගේ මළ සිරුර කොළඹ, වේල්ල වීදියෙන් පෙරේදා (01දා) හමු වූ අතර මෙම ඝතනය සම්බන්ධයෙන් සැකය එල්ල වූයේ බුත්තල පොලීසියට අනුයුක්තව සේවය කරන බඩල්කුඹුර, වෙහෙරගොඩ පදිංචි කරුවකු වන අධිකාරි මුදියන්සේලාගේ ප්‍රේමසිරි (53) නමැති උප පොලිස් පරීක්ෂකවරයා කෙරෙහිය.

සැකකරු අත්අඩංගුවට ගැනීමට ඊයේ(2) පොලිසිය බඩල්කුඹුර, වෙහෙරගොඩ නිවසට ගියවිට සැකකරු නිවසේ පසුපස දොරින් කැලෑවකට පැන සැගව පසුව සියදිවි නසාගෙන තිබෙනවා. සියදිවි නසා ගත් සැකකාර පොලිස් නිලධාරියා විවාහකයකු වන අතර දරුවන් තිදෙනකුගේ පියෙකි.

සැකකරු කැලෑවට පනින්නට පෙර බිරිඳගෙන් සමාව ඉල්ලා ලිපියක්ද ලියා තබා ගොස් ඇති අතර . ‘‘මම ලොකු වරදක් කළේ. ඔයාලට නින්දා අපහාස විඳින්න වෙයි. ඒවා විඳ දරාගෙන ජීවත් වෙන්න. අම්මගේ තුන් මාසේ දානේ දෙන්න. පොලිසිය මාව හොයාගන්න පුළුවන්තැනක සූසයිඩ් කරගන්නවා’’ යැයි සඳහන් කර ඇති අතර තමන් දියණියක් සේ සැලකූ තරුණිය එස් අයි අංකල් එස් අයි අංකල් කියමින් පැමිණ පසුව තමන්ගේ ආදරය පැතූ අයුරුත් පසුව ඇය හා පෙමින් වෙලුනු බවත් පසුව ඇය කරදරයක් වූ අයුරුත් සඳහන් කර තිබෙනවා.

අදාල ලිපිය පහතින් බලන්න

මෙම පොලිස් නිලධාරියා කලක් ඇමැති ආරක්ෂක අංශයේද සේවය කර ඇතැයි තහවුරු වී ඇත. එක්සත් ජාතික පක්ෂයේ පාර්ලිමේන්තු මන්ත්‍රීවරයකු වූ හේෂා විතාණගේ මන්ත්‍රීවරයාගේ ආරක්ෂකයකු ලෙස අවසන් වරට සේවය කර ඇති අතර පසුව උප පොලිස් පරීක්ෂක ධුරයට උසස්වීමක් ලබා බුත්තල පොලිසියට අනුයුක්තව රාජකාරි කර ඇත. මොහු හේෂා විතානගේ මන්ත්‍රීවරයාගේ ආරක්ෂක අංශයේ සේවය කරන වකවානුවේදී අදාල තරුණිය සමග මෙම සම්බන්ධතාව ඇති වී ඇති බව ආරංචිමාර්ග කියයි. තරුණියගේ අයියාද එක්සත් ජාතික පක්ෂයට සම්බන්ධ ප්‍රාදේශීය දේශපාලනඥයකු බැවින් අදාල තරුණියද නිරන්තරයෙන් දේශපාලන වැඩ කටයුතු වලට විතානගේ මන්ත්‍රීවරයාගේ නිවසට ආගිය බව ත් එහිදී පොලිසි නිලධාරියා සමග මෙම සම්බන්ධතාවට අඩි තාලම වැටී ඇති බවත් කියවේ. මුලදී ඔහු ඇය ට හා ඇයගේ සොයුරාට දුව හා පුතා කියා අමතා ඇති බවත් අවස්ථා කීපයකදීම ඇගේ නිවසට ගොස් ඇති බවත් මුල් කාලයේදී ඔහු ඇයට සලකා ඇත්තේ දියණියකට බදු ආකාරයකට බවත් කියවේ.

සැකකාර නිලධාරියා ඉකුත් 27 වැනිදා බුත්තල පොලිසියෙන් නිවාඩු ලබා පැමිණ එදින රාත්‍රී 10.00ට පමණ මෙම කාන්තාව සමග හංවැල්ලේ පිහිටි හෝටලයක 106 වැනි කාමරය කුලියට ගෙන ඇත. ඝාතනය වූ කාන්තාව නිවසින් පිටවී ඇත්තේ ශ්‍රීපාද වන්දනාවේ යන බව පවසා යැයිද පොලිසිය අනාවරණය කරගෙන ඇත. හෝටලයේ නවා තැන් ගෙන සිටියදී කාන්තාව සමග තුන් වතාවක් පිටතට ගොස් ඇති අතර එම හෝටලයෙන් පිටව ගොස් ඇත්තේ පෙරේදා (01දා) උදෑසන 10.00ට පමණය. එලෙස පිටව යෑමට පෙර මෙම කත ඝාතනය කර ඇතැයි අනාවරණය වේ. ඝාතනය සිදුකළ පසු සැකකරු හෝටල් කාමරය සම්පූර්ණයෙන් පිරිසුදු කර ඇතැයි හෙළිවන බව, බස්නාහිර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් පවසයි. කෙසේ වෙතත් මොවුන් දෙදෙනා කාමරයට ඇතුළත් වන අවස්ථාවේදී මළ සිරුර බහා තිබුණු බෑගය ඔවුන් අත නොතිබුණු බවත් ඝාතනය කිරීමෙන් පසු සැකකරු විසින් බෑගය ගෙන එන්න ඇති බවත් පැවසෙනවා.

සැකකරු සොයා ගත් ආකාරය

සැකකරු අදාල බෑගය වේල්ලවීදියේ දමා යන දසුන් සී සී ටී වී කැමරා මගින් විමර්ශනය කළ පොලිසිය ප්‍ර දේශයේ තිබුණු අනෙකුත් සීසීටිවී ද විමර්ශනය කර ඇත. එහිදී ඔහු හංවැල්ලේ සිට පැමිණි බස් රථයකින් බෑගයද රැගෙන බැස එන අයුරු නිරීක්ෂණය වී ඇත. පසුව බස් රථය අත්අඩංගුවට ගෙන කළ විමර්ශනයේදී සැකකරු පසුගිය පළමු වැනිදා 11.45 ට හංවැල්ලෙන් බස්රථයට ගොඩ වී ඇති බව අනාවරණය වී ඇත. පසුව පොලිසිය සැකකරු බස්රථයට ගොඩ වූ ස්ථානයට ගොස් කළ පරීක්ෂාවේදී එහි තිබූ සීසීටීවී යන්ත්‍රයක ඔහු අදාල බෑගය රැගෙන විත් ත්‍රී රෝද රියකට ගොඩ වන අයුරු සටහන් වී තිබී ඇත. අදාල ත්‍රී රෝද රථය අත්අඩංගුවට ගෙන කළ විමර්ශනයෙදී සැකකරු නවාතැන් ගෙන සිටි ලැගුම් හල අසලින් ත්‍රිරෝද රියට ගොඩ වී ඇති බව තහවුරු වී ඇති අතර පසුව ලැගුම් හලේ අතුළත් කර ගැනීමේ ලේකනය පරීක්ෂා කිරීමේදී මෙම යුවළ එහි ලැගුම් ගෙන ඇති බව තහවුරු කරගෙන ඇත. ඔහුගේ අසාමාන්‍ය කය ඔහු හදුනා ගැනීමට පහසුවක් වූ බව විමර්ශනය කරන පොලිස් නිලධාරියෙක් අප හා පැවසීය.

තරුණියගේ කදින් වෙන් කළ හිස තවමත් සොයාගෙන නැති අතර පොලිසිය වැඩිදුර විමර්ශන කරයි.