ගිනි අවි 07 ක් සහ මුව මස් කිලෝ ග්‍රෑම් 02 ක් සමග සැකකරුවෙකු අත්අඩංගුවට
සතුන් දඩයම් කිරීම සදහා අටවන මෙරට නිපදවන ලද ගිනි අවි 07 ක් සහ මුව මස් කිලෝ ග්‍රෑම් 02 ක් සමග සැකකරුවෙකු නවගත්තේගම පොලීසිය විසින් අත්අඩංගුවට ගෙන ඇත.
01 වැනිදා දහවල් නවගත්තේගම – රජවිගම ප්‍රදේශයේදී මෙම අත්අඩංගුවට ගැනීම සිදු කර ඇත.පොලීසිය විසින් අත්අඩංගුවට ගෙන ඇත්තේ රජවිගම ප්‍රදේශයේ පදිංචි 62 හැවිරිදි අයෙකුවය.
සැකකරුට අයත් බව කියන රජවිගම ප්‍රදේශයේ හේනක අටවා තිබූ ගිනි අවි 02 ක්ද,එම හේනේම ගසක් යට සගවා තිබූ ගිනි අවි 05 ක්ද පොලිස් බාරයට ගෙන ඇත. අත්අඩංගුවට ගෙන ඇති සැකකරු ප්‍රදේශයේ ප්‍රසිද්ධ දඩයක්කරුවෙකු බවට හදුනා ගෙන ඇත. සැකකරු ආණමඩුව මහේස්ත්‍රාත් අධිකරණයට ඉදිරිපත් කිරීමට නියමිතව ඇත.
නවගත්තේගම පොලීසිය වැඩිදුර විමර්ශණ කටයුතු කරගෙන යයි.
ජුඩ් සමන්ත
