කොළඹ සියයට 20ත් 30ත් අතර ප්‍රතිශතයක් ඩෙල්ටා බවට හෙළිවෙයි
කොළඹ දිස්ත්‍රික්කයෙන් වාර්තා වන කොරෝනා ආසාදිතයින්ගෙන් සියයට 20ත් 30ත් අතර ප්‍රතිශතයක් ඩෙල්ටා කොවිඩ් ප්‍රභේදයේ ආසාදිතයින් විය හැකි බව සෞඛ්‍ය අමාත්‍යාංශය ප්‍රකාශ කරයි.
එම ප්‍රදේශයේ ආසාදිතයින්ගෙන් ලබාගත් වෛරස නියැදි පරීක්ෂා කිරීමෙන් මේ බව අනාවරණය වන බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පවසයි.
උතුරු ප්‍රදේශයෙන් ද එම ඩෙල්ටා ප්‍රභේදය ආසාදිත වූවන් හමුවීම මඟින් ලංකාවේ සෑම ප්‍රදේශයකම පාහේ එය ව්‍යාප්ත වී ඇති බව හෙළිවන්නේ යැයි ද විශේෂඥ වෛද්‍ය හේමන්ත හේරත් මහතා පෙන්වා දෙයි.
තවද කොළඹ උතුර, කොළඹ දකුණ, ගාල්ල, මාතර, කිළිනොච්චිය හා යාපනය වැනි ප්‍රදේශවලින් මේ වන විට ඩෙල්ටා ප්‍රභේදය වාර්තා වී තිබෙන බවත් එවන් පසුබිමක් තුල සෙසු ප්‍රදේශවල මෙම ප්‍රභේදය නොමැති යැයි පැවසිය නොහැකි බවත් වෛද්‍ය හේමන්ත හේරත් මහතා පැවසීය.
මේ නිසා ජනතාව පවත්නා බැරෑරුම් තත්ත්වය සැලකිල්ලට ගනිමින් කටයතු කළ යුතු බව ද නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා වැඩි දුරටත් පෙන්වා දී ඇත.
වෛද්‍ය හේමන්ත හේරත්,